Comochoconto - As Pombas, um pajaro de coidado

Programa adicado a esta ave cidadá, aos seus problemas e ao seu habitat.

Contos, relatos e música.

Quero deixar bem claro que a minha intençom ao adicar-lhe  este programa de Comochoconto ás Pombas nom é, ainda que o pareza, fazer causa comum com todas essas autoridades sanitárias ou com os arquitectos municipais, a mim pessoalmente paréce-me moi bem que as pombas caguem enriba de todas essas estatuas equestres ou nom equestres dos próceres históricos, ou dos santos e cristos das igrejas.

A minha intençom era, é, e segue a ser, que empecemos a ver aos animais coma animais, com todas as suas qualidades e deixemos de aproveitar-nos deles, por que quando deixam de ser do nosso agrado convertem-se em problema, e esse problema criamos-lo nos, quando eliminamos aos seus depredadores naturais, quando otorgamos-lhe personalidade e quando aproveitamo-nos delas coma joguetes com vida para as nossas crianças ou quando aproveitámo-nos da sua capacidade de orientaçom para usa-las coma correios durante as guerras.